MGA IBONG MANDARAGIT NI AMADO V. HERNANDEZ: PAGSUSURI SA KAHALAGAHAN AT ANG EPEKTO NITO SA KASALUKUYAN

  ABSTRAK: Ang pananaliksik na ito ay isang pagsusuring interdisiplinaryo sa nobelang Mga Ibong Mandaragit ni Amado V. Hernandez, gamit ang sosyolohikal, saykolohikal, at biyolohikal na lente. Layunin nitong tuklasin kung paanong ang mga tema ng kolonyalismo, kawalan ng hustisya, at makabayang pakikibaka ay patuloy na sumasalamin sa kasalukuyang kalagayan ng lipunang Pilipino. Sinusuri rin dito ang pagtanggap, pag-unawa, at pananaw ng mga makabagong mambabasa sa akda, at kung paano ito nakaaambag sa paghubog ng kanilang kamalayang panlipunan. Sa kabila ng mga naunang pag-aaral, nananatili ang kakulangan ng interdisiplinaryong pagsusuri na isinasaalang-alang ang epekto ng nobela sa kasalukuyang konteksto. Sa pamamagitan ng panitikan, higit na nabibigyang-diin ang potensyal nitong maging mabisang kasangkapan para sa kamulatan at kolektibong pagkilos tungo sa makatarungan at makataong pagbabago. Ang pag-aaral ay nagpapatunay na ang Mga Ibong Mandaragit ay nananatiling makabuluhan sa pagsusulong ng makabayang adhikain sa kontemporaryong panahon.