Pagsusuri ng mga Tayutay sa mga Piling Awitin ng Cup of Joe: Isang Istaylistikong Pananaliksik

ABSTRACT : Ang pananaliksik na ito ay isinagawa upang suriin, tukuyin, pangkatin, at bigyang kahulugan ang mga tayutay na hinango mula sa liriko ng mga piling awitin ng Cup of Joe, batay sa listernership at viewership rates nito sa mga kilalang music streaming platforms at maging sa wikang ginamit ng mga awitin. Sa pamamagitan ng deskriptibong disenyo ng pananaliksik sa ilalim ng kuwalitatibong dulog at paggamit ng pagaanalisang istaylistiko, naisakatuparan na mailahad ng mga mananaliksik ang layuning ilantad ang mga umiiral na nakakubling mga tayutay at pagpapakahilugan ng mga liriko ng bawat awitin. Natukoy ng pananaliksik na mula sa pagsusuri ng mga datos, sampung (10) tayutay ang natunton, na kung saan ang Pagwawangis o Metapora ang may pinakamaraming dalas na sinundan ng Personipikasyon, Pagmamalabis, Retorikal na Tanong, at Pagtatambis. Ang naging resulta ng pananaliksik na ito ay magsisilbing pundasyon at panimulang hanguan bilang repositoryo upang mapalawak ang mga pananaliksik na tumatalakay sa kasangkapan ng wikang Filipino sa aspekto bilang matalinghagang wika tulad ng mga tayutay bilang istilo sa pagkakasulat ng mga awitin.

KEYWORDS : tayutay, istaylistikong pagsusuri, Cup of Joe, Pagwawangis, Filipino